الرياضة فسدت فالبلاد مال حال الرياضة فالبلاد مبغاش يتصلح…النوادي كلها مرقعة فيها الكسيبة تسرح…و الجامعات مربعة يديها وسرها تفضح… المسؤول ضارب الدنيا بركلة و بارك يشطح…و الرياضي فدار غفلون خدام يحرث ويكدح…قهرونا بالشعارات و طمسو عنينا بالهموم… زادو كملوها و جملوها بمشروع التأهيل المزعوم…هاوحد العار عطيونا حقنا المهضوم أواه حتى الرياضة ولات التقاسي الهموم…الملاعيب شي محروث وشي نايض فيه الدوم… شحال من رياضي فضل التجنيس و فكرة الحريك الملعونة كويرية ملاكمين عدائين… واللائحة طويلة مشحونة لقاو الظروف مناسبة فبلاد الغرب و الأجواء مزيانة واحيانا…….واحيانا………واحيانا………… واحينة ملاعيبهم شحال مزيانة… ولا اللاعب يلعب فيها بكل رزانة… دخل الاحتراف وخلا بلادنا مهانة… ما راعى للعالم ما راعى للشعب ما راعى المواطنة… شحال زينة العيشة مع الفنانة…اللي عندهم دم و مشاعر مع المواطنة…
