تحية لكل نساء العالم لكن جميعا أهدي هذه القصيدة

تحية لكل نساء العالم.
لكن جميعا أهدي هذه القصيدة:

أشتا تا تا تاتا 
أوليدات الحراثة
هنيو معايا مي خدوج وهنية وخناثة 
فثمانية من كل ثلاثة.
فاطمه يالقلب المفتوح
يالرهان المربوح
بحبي ليك نبوح
قلبي ليك والكسدة والروح.
نسامك على الكون يفوح.
يالغالية فأرضها وماها 
يالعالية فنجومها وسماها
ياشهد النحلة فجباحها
ياجنة…ربي رواها
ياصورة جميلة..ربي حماها 
ياألف قصة عمري ننساها.
مي فاطمة ما يضركحالك اليوم
اذا الطيرنشد بنواح البوم
ولاالعش لخضر
والربيع والزهر
سكناتو الروم
وناسها غارقين فالنوم
راهزمان الحكرة الا طول 
عمرو ما يدوم.
مي خناثة
حالف يمين ثلاثة
بيا وبيك ترجع لقبيلة لحياتا
وتقوم من سباتا .
غدا ليل وليك 
واليوم هدية مني ليك 
فيومك من كل ثلاثة
واشتاتاتاتاتا
أوليدات الحراثة هنيو معايا مي خدوج وهنية وخناثا 
فيومكم من كل ثلاثة.

الشاعر الزجال  عبد الحق شاكر العلوي