تهب الريح و اتدي لقلوب
تخلط الرمل وتعمى العيون
الى صبات الشتا بمهل
تهدن الريح وتصفا لقلوب
الديب كيف الزمان المضرور
جرحوا ما يبرى على الخضور
الى تأملت تفهم
هموم الفقير فراسوا
والى عطاتك الدنيا
ولا تقول غناتك
الغنى فالدنيا ما يهم
يرجع عليك غدا بالهم
و لا تفكر لضيق الحال
تعود ديما ترد لبال
والعاصي ديما مهموم
كيف لخمر ديما مذموم
جبر يا جبار لقدام
عضمها هشيش كيف الرماد
و زمانا ما هو زمان
صارت الكرما تحكم فلعقول
برز الجين الممسوح و السروال المثقوب
و راس المحروت ما ينبت غير الشوك
صارت البنت عاڭرة فشبابها
و البهيما تفرح لأحفادها
ارض قاحلا فربيعها
وعيون يابسا فشتاها
حشا رايجا فزمانها
والقلب شاڭما بدخانها
داكشي باش ڭلتليك
سمعني و حل ودنيك
هم الدنيا يكفيك
يا الداخل بلجاموا سرجليك
تمشي فطولها و عرضها ما تعطيك
تقول هذه ترضيك
و هي تعض فيك
سمعت كلام وقرية اخر—-واحد باللجام واحد مغير—- شباب المدينة فليل حالك—- وخوتنا بالمصباح والفتيلة—- يسيرو ويسريو كل ليلة—- سليك يا سالك دابا يزيان حالك—- الفقير ماليه هموم —الفقير همومو فتيقتوا فحراسوا —كواوه بالوعود—- كواوه بكلام كالبرق كالرعود—- يا محمد يا اشن — كلامك فن في فن —لكن خوتنا مازال مافرقو بين كفن وكفن
أخي محمد لم أكن أعلم أنكم سليقيون تجيدون الزجل!!
أحييك عاليا و أتمنى منك المزيد من العطاء