كِيف ما نحب بلادي؟
أرضِي وأرضْ جدادي
كِيفْ مانحبْ بلادي؟
ونا فيها دَرتْ ولادي
أرضي وأرضْ والديَ
ومَن السما جاتني هديَ
أرضي وأرض والدِيَ
وفيها كانت أول صرخة ليَ
أنا قصباوِي، منزلي
يازغي، صفريوي
أنا قصباوي، مغربي
بالأمازيغية وبلعَربية دَاوي
أنا المغرب فيَ كلْ
ما تتمنى و كلْ ما تحبْ
أنا المغرب ولي مَا تَاقْ
إِجُولْ ويشوف ويجَربْ
إلى حْدَرْتْ راسِي
على إفريقيا نْطََلْ
ولى رفَعتْ راسي
عندْ أوروبا نْضَلْ
سمايا صافيا
وغيامي ساخيا
شمسي دافَيا
وأرضي وَاطْيَا
أجي وِشُوفْ!
أشْمَنْ وديانْ وأشمَنْ بْحورْ هادِي؟!
تنْسى الخوفْ
إلى تْمتعتي بهوايَ النقي وبجوي الهادي
كُلْ إنسانْ إموتْ على أرضُو
أوْ لا على ولادُو
ولي ما يحَبْ بلادُو
لي جا يهدُو