زيانت الدنيا و حيات الينابيع . اتفتح الزهر و السوسان وظهر الفن البديع. و بنادم فرحان بهاذ الفصل الرفيع. معمر بطنو و فاضحنا بالتكعكيع ضان راسو غير هو اللي مالئها بمياه اليانابيع. سبحان الله اللي خلقها و جعلها تخرج من بين لحجر الصم و يعلم عددها و صوتها و هو الواحد السميع. اللي جعلها لك يا بنادم تحلا ليك في ايام الربيع و انت غير كتشن في مخططات التطويع ما تراعي لشجرها و لا لوردها. و انت خدمتك غير التكربيع . يا بنادم تمتع بها في وقت التكعكيع . لوقيتة اللي يتنفس فيها صباح الربيع . و يمسح الايام اللي مضات مملوءة بالترقيع … يا بنادم راعيلها شوية و باركة من التقطيع . راك خليتيها قاحلة واخة عيينا النقنعوك باساليب التنبيه. ما ينفع معاك غير اساليب التضبيع. اما انت كتضرب غير على راسك والخوف من التجويع.
يا بنادم… يابنادم . يا بنادم…
يا بنادم باركة من مسلسلات التقطيع ، و خا يقولو عليك فاهم و عاقل كدير بحال العمى الضرير ، ماشي فالطريق بلا عصا تسوقك و تفهمك اخطار التقطيع باركة… باركة…باركة وليتي تاكل اللي فطريقك بلا تفكير بلا ضمير بلا تطويع . يا بنادم عود نفسك و ادبها بالتطويع راه الى مشى بدا التشعشيع اعرف انه الناقوس دق بخروخ فصل الربيع